Monoulious DOP

Somos unha banda do mundo; de cando en vez tocamos por Venus ou Marte mais, o que nos gusta, é ter os pés na terra. Levamos anos tocando e subindo vídeos á nosa canle de Youtube e á páxina de Facebook. Empezamos fai seis anos e desde hai tres temos milleiros de seguidores fieis ás nosas parodias de Gente de Zona (La cagalera) e de Enrique Iglesias (Jalando).

Aínda que seguiremos facendo parodias das cancións do verán e baladas gastroamorosas coas que empezamos e que son, ao fin e ao cabo, a nosa marca de identidade, agora estamos preparando temas propios para poder rular por todos os “festis” de Galicia co noso estilo, que chamamos Golden Broza Atleta (GBA), que vén sendo “broza de ouro atleta” (BOA). Son cancións de temática gastronómica, desamorosa e climatolóxica con refráns pegadizos e música contundente para brincar sen parar. O mesmo que buscamos neste disco así que… a bailar!