Este domingo “Os Bolechas van a Mos”

Os Bolechas continúan percorrendo Galicia coa súa colección de guías, á que veñen de sumar a de Mos, que presentarán este domingo, 19 de abril, na carballeira de Santiaguiño.


17 de abril de 2015



Este domingo, 19 de abril, os Bolechas presentarán na carballeira de Santiaguiño, en Guizán, unha nova guía: Os Bolechas van a Mos. En caso de chuvia, o acto terá lugar no Multiusos das Pozas. Os irmáns chegarán ás 18:00 horas para saudar a todas as nenas e nenos e presentar o novo conto que narra as súas aventuras polo concello pontevedrés.

No novo título Os Bolechas van a Mos na busca das mellores rosas, que seica se cultivan alí. Braulio quere regalarlle un ramo á súa veciña Lucía, e quere que teña as flores máis fermosas do mundo, por iso chama a Noa, unha amiga mosense que os invita a todos á Festa da Rosa. Alí atoparán as rosas máis lindas. Pero tamén se encontrarán coa Lucía, que está a facer o Camiño de Santiago pola ruta portuguesa, que pasa por Mos.









Arquivos