O Día das Letras Galegas esperámosvos en… Pontevea!

Este ano os Bolechas participan na gran festa organizada polos comerciantes e empresarios de Pontevea (Teo) con motivo da celebración do 17 de maio. Ademais dos Bolechas, haberá multitude de actividades, xogos e iniciativas para toda a familia


15 de maio de 2018



Os empresarios de Pontevea (Teo) preparan para este xoves 17, Día das Letras Galegas, unha gran festa na que participarán Os Bolechas. Os seis irmáns e o inseparable Chispa estarán na vila teense entre as 16.00 e as 18.00 horas para saudar a todos os que se acheguen a gozar desta celebración que se estenderá ao longo de todo o día, xa que o programa de actos empeza ás 9.30 h cunha ruta de sendeirismo. 

Entre as 12.00 e as 14.00 h haberá pasacalles con música tradicional galega e ás 17.00 h comezará o Festival Infantil da Ponte Vella. Ademais durante todo o día haberá actividades infantís, canoas gratuítas e unha mostra con trinta casas exportadoras de produtos galegos.

A organización facilitará o aparcamento de vehículos con catro áreas sinalizadas na propia localidade para que ninguén quede sen gozar desta gran festa.









Arquivos