Xa temos gañadora da bici dos Bolechas!!

María López, de Santiago de Compostela, é a gañadora do concurso que fixemos o pasado mes na web dos Bolechas One2Three


04 de novembro de 2014



María López Álvarez, veciña de Santiago, é a afortunada gañadora do concurso que fixemos o pasado mes na web dos Bolechas One2Three. A gañadora recibirá nos próximos días o seu agasallo: unha fantástica bicicleta!!

O seu nome foi elixido entre os centenares de participantes que responderon correctamente á pregunta do concurso: como se chama o profe de inglés dos Bolechas?. Admitíronse diversas respostas, posto que houbo concursantes que contestaron o nome do teacher na serie, Michael, pero tamén quen o traduciu e quen contestou o nome do actor, Miguel Guido. 

Aínda que o concurso rematou, a web dos Bolechas One2Three continúa activa con diversos contidos para afondar no achegamento dos máis novos á lingua inglesa. Desde xogos ata actividades ou os capítulos da serie, que se poden ver tanto completos, como se emitiron no verán na TVG, como por seccións, de xeito que se pode ir directamente ás cancións, á clase de inglés ou ao desafío final.

A web completa os contidos do curso de inglés que xa se pode atopar nas librarías de toda Galicia e que inclúe tres libros, adhesivos exclusivos dos Bolechas, os DVD da serie e un fantástico metro magnético para ver como crecen os pequenos ao tempo que aumentan os seus coñecementos de inglés.  









Arquivos